من هو اللي باع خله خبريني

دمعتي سالت على شانك ضحيه

ما رحمتي دمع جرح موق عيني

من هو المسؤول عن عمر تحطم

من هو اللي باع خله خبريني

==================

قالت انت تبين انك مستهين 

وانت روحك من عنا البعد اطلعت

زين ابسال دام قلبك ما يلين 

ليش عينك يوم قفيت ادمعت

قلت انا باسي قوي لو ترجعين

صدقيني عمر نفسي ما اخضعت

وكان قصدج دمعتي لا تفرحين

 شعرة دشت بعيني واطلعت

مما راق لي 

احبك كنت انا احبك وحبك كان بي موجود !!

لا انته ولا غيرك ولا حتى السنين السود

تخلي دمعتي تنزل على خدي واكفكفها 

انا ادري منيتك انك تشوفني وانا مهدود 

ولكن اغسل يدك محال ادموعي اذرفها 

احبك كنت انا احبك وحبك كان بي موجود 

ولكن عشرتك هالحين انا من قلب عايفها 

عطيتك كل ما املك ولا فكرت بالمردود 

وكلما تصدمني بجرح اقول احباب طوفها 

تقول الخطاء وارد وانا اقول الصبر بحدود 

ولا انت درس علمني عطايا القلب اطرفها 

انا ماني هذاك اللي اذا ضاقت عليه يعود 

انا يالضيقه تنسفني يا اما الضيقه انسفها

مما راق لي 

تـمـثـال حـبــك فــــي خـيـالــي نـحـتــه

ماقلـت احبـك لاجـل اراعـي شـعـورك

قلتـه وانـا اقـصـد كــل حــرف ذكـرتـه

اهوى التغلي منـك واعشـق غـرورك

وجـبــرة الـخـاطــر لـيـامــن كـسـرتــه

امــوت فــي صــدك وكـثـرت نـفــورك

والقـلـب مـدمــن كـــل جـــرح جـرتــه

وان كان حزني له سبب في سـرورك

بـانـدم عـلـى حــزن مـضـى ماحزنـتـه

عـط خيـرك لغيـري وعطنـي شـرورك

كـاس الهـوى مسـمـوم وانــا شربـتـه

يـعـنـي انـــا مـقـتـول وانـتــه بـــدورك

قـاتــل يـابـخـت الـلــي بـحـبـك قـتـلـتـه

يـالــب تـعـذيـبـك وظـلـمــك وجــــورك

عــذب خـفـوق الـلــي بـحـبـك ملـكـتـه

والامـر امـرك وانتـه الشـور شــورك

مـاارد لـك شـور علـي وانــت شـرتـه

ماهـوضـروري الـتـقـي بـــك وازورك

تـمـثـال حـبــك فــــي خـيـالــي نـحـتــه

وبنيـت فـي جــوف المـولـع قـصـورك

وكــــل قــصــر مـايـخـصــك هـدمــتــه

وحـكـت لـــك ثـــوب يـلائــم ظـهــورك

ثــوب فـريــد مـــن قـصـيـدي نسـجـتـه

بس لي طلب وانت احسبه من امورك

لامـــت قـــل يــانــاس خــلــي فـقـدتــه

مما راق لي 

رخصت الكل من شانك .. رضيت اتحمل عتابك

تعبـت اكـذب الـواقـع واصــدّق كـذبـة اعجـابـك

لأنـي عاشـق ٍ مخلـص ملكـنـي حـبّـك بسـحـره

تعبـت اراعـي شعـورك واغـظ الطـرف بغيـابـك

غشيـم ٍ واحسبـك وافـي خدعـت القلـب بالنبـره

رخصت الكل من شانك .. رضيت اتحمل عتابك

ولكـن للأسـف حبّـي مــن افعـالـك ذبــل زهــره

تحملتـك علـى ظلمـك وقلـت الوقـت يصفـى بـك

واشوفـك تلعـب بذيـلـك وغــدرك آه وش كـبـره

وفـوق الغـدر تتمسكـن وتخفـي الـسّـم بانيـابـك

وتظهر دمعتك تبغي تغـش اللـي رخـص عمـره

ولـكـن وفّــر دمـوعـك تـرانــي خـابــر الـعـابـك

انا مانـي مثـل غيـري ضعيـف النفـس والقـدره

محيـت اسمـك وشقّقـت الرسايـل وانقفـل بـابـك

ولا عـاد المشاعـر يحتـرك مـن شوقهـا شـعـره

كرهـت اسلوبـك الماكـر كرهـت انـاظـر اهـدابـك

وعفتـك عقـب مـا بانـت حقيقـة قلـبـك وغــدره

مصير الوقـت يثبتلـك وفـاي ويحـرق اعصابـك

وتتحسـف علـى مافـات مـنـك وتمتـلـي حـسـره

اقـول ارحـل فمـان الله ولانـي بحسـب حسـابـك

مــدام الـغـدر فــي دمــك تـوكـل لا تـجـي بـكـره

توكـل لملـم شتـاتـك مـعـاد الـوقـت يحـلـى بــك

تـوكـل لا تحـسـب أنــي بـهـل بغيـبـتـك عـبــره

ابي تنسى حروف ٍ صغتهـا لـك يـوم تزهـى بـك

وابي تنسـى حبيـب ٍ سـال حبـره دم فـي شعـره

بعلّـمـك الـوفـا واشـلــون لـيــن الـغــمّ ينـتـابـك

واجرعـك العـذاب اشكـال دامـك بـرت بالعـشـره

مما راق لي