اغـسـل يديـنـك ياحـلالـي بـصـابـون

يالعـنـبـو حـــب ٍ يــــوّردك للهون
ويالعنـبـو قـلـب ٍ يـعـيـش المـهـانـه
يـاصـار ماحـولـك موالـيـف يـوفــون
ويـاصـار كــل ٍ منـتـهـاه الخـيـانـه
وياصـار مـن يوفـي خبـيـل ٍ ومجـنـون
والخـايـن بـعـذر ٍ ولـلـعـذر خـانــه
بعـض المصالـح تجبـر القلـب ويـخـون
وبعضـه ابساطـه مثـل بـعـض الميـانـه
يعنـي تـرى ياهـل الهـوى عيـب تبكـون
والـحــب الأول راح ولـــى زمـانــه
وحنـا بـعـام ألفـيـن لاتنـشـد شـلـون
وشـلـون نجـعـل للمـحـبـه حـصـانـه
ودامـه مشاعـر عـابـره دون مضـمـون
ومـن دون ماتـحـرك مشـاعـر جنـانـه
اغـسـل يديـنـك ياحـلالـي بـصـابـون
يـاكـان تـرجــي للمـحـبـه مـكـانـه
بـرق بمجـروح الهـوى حـيـل مغـبـون
مـنـهـز مـنـعـل ٍ مـزلــزل كـيـانـه
وأكبـر ضحيـه شافهـا الـنـاس بالـكـون
مقـتـول فــي ســم الـغـدر واللعـانـه
هذي النهايه .. كيف..! صدق..! ولاتكون ...!
ياهـيـه صــارت ولاتـطّـري الأمـانــه
وياهيـه عفنـا الحـب والـحـب ملـعـون
ملـعـون حــب ٍ يرتضـيـلـك طـمـانـه