لحظة غضب نفقد بها أعز انسان
صار الخطاء وشلون ما هو بيدي
لحظة غضب نفقد بها أعز انسان
عزيت نفسي كنت احسبه تحـدي
ولا دريت انـك بطيبـك تحـدان
صحيح انا يمكن تعديـت حـدي
واسرفت بالغلطات وكان الذي كان
وشلون ابنسى من خذا كـل ودي
واقفى وخلاني على حد الاحـزان
دمعي مكانه بعدكم فـوق خـدي
شفقان قربك ياهوى البال شفقان
صار الحزن مابين جزر ومـدي
مرات ارده واكثر الوقت يقـوان
رد علي ارجـوك ردي
لا تتركني في متاهات الازمـان
اول معي بالشوق واليوم ضـدي
بديت بالمكسب وعودت خسـران
امدلـك قلبـي واشيلـة بيـدي
يفداك قلب من سبايبـك ينهـان
دامك سحابه في سمايـا تعـدي
لا تبخل بالماء وانا حيل عطشان
ليست هناك تعليقات:
إرسال تعليق