قالت ابيك تضمني قبل لا تروح
حقق مناي قبل روحي تروحي
ابيك تكتبني شعر داخل الروح
وأبيك تقرالي معاناة روحي
يفز لك قلبي من الشوق ويبوح
لكن امانة احفظ اسرار بوحي
ببني لك بالروح من حبي صروح
تعالي واسكن في اعالي صروحي
وداو الخفوق اللي بسببتك مجروح
تدريبه انه في وصالك لحوحي
ماكل جرح يعالجه ضحك ومزوح
احيان جرحي من سبايب مزوحي
واحيان اعالج لهفة الشوق بالنوح
وابكي وترتاح المشاعر لنوحي
ليست هناك تعليقات:
إرسال تعليق