ليـه مـا تـرد يـا روحـي عسـاه الشـرّ مــا جـآلـك
مـن الصبْـح اتّصِـلْ لـيـن انطـفـت أنــوآر جـوآلـي
شحنتـه وقمـت أرسـلّ لـك عسـآ يطمنّـي مرسـآلـك
ومـا جــآ ردّك وفـكـري تشـتّـت وانشـغـل بـآلـي
حبيبـي .. بـس طمـنّـي وقـلّـي كيفـهـا احـوآلـك
دخـيــل الله ريّـحـنـي وعـطـنـي رد مـرسـآلــي
قـول : " بخيـر " تكْفينـي عسـآ خيـر العـمـر فـآلـك
قِــلْ " لا ضـيـر " فرّحـنـي وحـقــق يالله آمـآلــي
عـزف خـدّي علـى اوتـآر الولـه والشـوق وغنـآلـك
قصيـدة شـعـر وجنـونـي الغـرآمـي فيـهـا اجمـآلـي
أبسمـع صوتـك الـدآفـي واحــسّ بـلـذّة وصـآلـك
أبجـمـع بعـثـرة فـكـري والــمّ شتـآتـي الـبـآلـي
أبسْبـح لآعْمـق افكـآرك وبرسـم صورتـي فـ/ـبـآلـك
أبتـجـوّل بأحـلآمـك واكــون بقـلـبـك لـحـآلـي
بسآفـر فـيـك واتـغـرّب وبسـكـن قـمّـة جبـآلـك
الـيـن اعـآنـق نجـومـك واكــون بعآلـمـك عـآلـي
أبحـضـن رآحــة يميـنـك واذوب بسـآحـه شمـآلـك
أبسْجـن نفسـي فـي حضنـك ولا تعتقنـي يــا غـآلـي
( شفآتك.."غيمه "..وشفآتي.." ثرى "..دون المطر هآلك )
" وريقك " هـو المطـر إسقـي جفآفـي .. يـا بعـد حآلـي
وسولـف بعدهـا واوْصـف شعـورك والـلـي يحـلآلـك
واضْحـك يـا عسـآ قلبـك يصيـر مـن الحـزن سـآلـي
حبيبـي .. أحـس فـي قربـك بـإنـي للفـضـآ مـآلـك
ف/ دآمـك صـرت لـي عشقـي الجنونـي يــا هنيّـآلـي
يكْـفـي لا تـزوّدهـآ وشــوف سِـجِـلّ جـوّآلــك
وعِـدْ كـمّ مـره يـا روحـي قطعـت بصـدك وصـآلـي
ولـو بيجينـي مـن بعـد اهتمـآمـي فـيـك إهمـآلـك
[ بحضنـك ] .. بآقـي .. لآ برْحَـل ولآنـي شـآد برْحآلـي
( إليـن تمـوت فـي حبّـي وامـوت بحـبّـك لحـآلـك )
[ واليـن اكـون فـي قلـبـك حبـيـب ٍ أوّل وتـآلـي ]
ليست هناك تعليقات:
إرسال تعليق